今次講下段位

聽到有人話我過左皆伝之後招招搖搖，我真係笑到噴飯...

首先，到底係邊個恃住自己男朋友過到段位，就亂寫野笑我未過到？
不過呢單野我都只係當眾多笑話既一個黎睇。
實力嘅野，段位只係其中一個反映。
七段、八段、九段既人，點解有咁多人長期做段位難民？
就係因為佢地睇得段位太重。
自己八段，見到人地係九段，就有一種無名嘅自卑感。
IIDX收錄曲有五六百首，你打黎打去都係果幾首，自然無進步。
但十段、皆伝嘅玩家，通常都有種覺悟，就係段位盡頭先至係新開始。

老實講，九u如果自己同我覺佢穩過皆伝(DJT)，我唔反對的
因為佢真係過超過一次，並且達成率有進步，呢一點係大家有目共睹的，無人會否定佢呢個成就。
DJT皆伝老老實實我只過了一次，講到尾可能都要多得Janet小朋友對我嘅「恥笑」
果日臨收舖隨便試下，一打就過左了（放置效果？）
如果我話我唔興奮，就一定係𧦠你嘅，但我又未至於覺得過左皆伝就權傾天下喎...
再數，阿富，阿V，阿轉，三爺（不能盡錄），全部實力都在我之上，佢地都未過到皆伝
咁係唔係我過到就係我勁過佢地？
另外，就係閣下拎九u嘅成績出黎狐虎威，實在令人非常討厭（不論所謂「成績」是否有質量）
你要串人嘅，勞煩閣下自己努力打高分啲，full多啲歌，唔好做啲幼稚園小朋友先有嘅舉動。

---
老實講，你要向rsky講我嘅不是，我好傷心。
因為rsky係直接令我有進步嘅一個名師，我永遠都唔會忘記係佢令我克服唔少關卡
（即係郭靖學左降龍十八掌，都永遠唔會忘記江南七怪先係佢嘅啟蒙恩師一樣）
亦因為我口快戲言令佢有教主嘅稱號，而令佢承受唔少壓力以致不快，我一直耿耿於懷
但我亦相信佢知道咩係真，咩係假。佢要覺得我衰唔衰，根本唔需要你教，我亦對佢一直信任。

---
最後，我都好有興趣睇下你地兩個抹黑人嘅功力去到咩段位。
今次你地嘅對手係我，唔係阿亮，唔係TKL，我就睇下你地吹水老作可以點唱衰我法。反正我都唔care。

上一代的目標，今代完成了
非常感動

講緊我本麥書
個風扇成日慘叫
睇黎歸期不遠矣

如題

題外話，閣下之大作某一點已不合時宜

一份做左我接返100個鐘既功課，結果幾滿意
今日上堂果時professor拎左出黎作為其中一份示範作品

當然，有其他幾份report比我做得更好。我會偷師，下次份report再做好D。

不過有一點係可以肯定，就係班上好多人都係數學家...
個course同數學好有關係，而我D數學真係有限公司，你叫我做single value decomposition，我真係企係度。
唯有係寫program上面加D噱頭吧... 上次份功課應該都係因為我加左好多可有可無既features，先至咁高分。

有機會我開整理一下份report，post出來吧